HISTORIA
KHASA oihala fulani herriari lotuta dago, mendebaldeko Afrikako komunitate nomada eta transhumante hedatuenetakoa, besteak beste, Senegal, Mali, Ginea eta Nigerian dagoena. Fulani kulturaren baitan, dotoreziari eta prestigioari lotu izan da KHASA, eta testuinguru zeremonialetan zein gizartean aintzatespena duten pertsonen eguneroko janzkeran erabili da. Denboran zehar, merkataritza-truke transahararrak kotoizko oihal finen zirkulazioa erraztu zuen; fulani komunitateek oihalok hartu, berrinterpretatu eta haien ehun-identitatean eta estetikan integratu zituzten.

TEKNIKA
Kotoizko ehun arina da KHASA. Ehundura fina du, eta ehungailu tradizionaletan egiten da oro har. Gainazal lisoa izaten du, baina brodatu diskretuak nahiz apaingarriak izan ditzake, azken jantzia aberasteko. Askotan, KHASA oihalaren balioa ez datza patroi konplexuetan, baizik eta ehunaren kalitatean, jauskera dotorean eta tindatzeko edo beste elementu batzuekin konbinatzeko aukeran. Egituraren sinpletasunari esker, hainbat apaindura-estilotara egoki daiteke.

ERABILERA
Tradizioz, tunika zabalak sortzeko erabili da KHASA, fulani gizon zein emakumeak hotzetik babesteko. Ospakizunetan, topaketa sozialetan eta zeremonietan bereziki estimatua da, ehunaren garbitasunak eta zuritasunak fintasuna eta duintasuna sinbolizatzen baitute. Gaur egun, KHASA janzkera tradizionalean erabiltzen jarraitzen da, baina mendebaldeko Afrikako moda-proposamen garaikideetan ere txertatzen da.